Nafarroako Auzitegi Nagusiko Administrazioarekiko Auzien Salak baimendu egin du apirilaren 20ko 12/2021 Foru Agindua, zeinaren bidez luzatu egiten baitira Nafarroako Gobernuko Osasuneko kontseilariak otsailaren 23an ezarritako neurri soziosanitarioak, Covid-19aren ondoriozko egoera epidemiologikoaren bilakaeraren ondorioz.
Neurri murriztaileak
- Ostalaritza: Jatetxe taberna, bingoetan, joko-aretoetan eta jolas-aretoetako barnealdeak itxita, terrazetan baino ez dago baimenduta kontsumitzea.
- Merkataritza: Azalera ertain eta handietan edukiera %30ekoa da. Ezin da eremu komunetan egon, ezta jolas-guneak erabili ere. Edukiera % 50ekoa da saltoki txikietan. Funtzio anitzeko espazioen barruan debekatuta dago familia-, gizarte-, lagun- edo aisialdi-ospakizunak egitea, kontsumoarekin.
- Itxialdi perimetrala: erkidegoa itxita dago.
- Etxeratze agindua: indarrean jarraitzen du gaueko mugikortasunaren murrizketak, 23:00etatik 6:00etara debekatuta dago.
- Bilerak: Gehienez 6 pertsona egon daitezke espazio publiko irekietan, eta 4 pertsona espazio publiko itxietan, bizikidetza-unitate bereko pertsonen kasuan izan ezik. Eremu pribatuan, bilerak bizikidetza-unitatera mugatzen dira.
