Aroztegia...eta gero zer? plataformak eta Baztango Gazte Asanbladak elkarretaratzea egin zuten atzo Lekarozen, Tex enpresak Aroztegiko obrak hasi dituela salatzeko.
Agerraldian salatu zuten lekaroztarrak eta baztandarrak behin eta berriz agertu direla proiektuaren kontra, bai eta Baztango Batzar Nagusia eta Udala ere. “Obren esleipena bertan behera utzi zuen kontratuen auzitegiak, Nafarroako Gobernua jakitun da baino bertze behin ere enpresak alfonbra gorria du nahi duena egiteko”.
Egoera honen aurrean antolatzera eta ondoko egunetan egingo diren ekintzetan parte hartzera deitu dute Baztango Gazte Asanbladak eta Aroztegia...eta gero zer? plataformak. Zehazki, gaur apirilak 8, goizeko 11.00tan eta arratsaldeko 16.00etan elkarretaratzeak eginen dituzte Lekarozko plazan.