Azken egunotan nabarmenki ari da igotzen kutsaketa bihurgunea eta gaur dagoeneko 207 kutsatuetara ailegatu gara. Milagro perimetralki itxita dago gaurtik aurrera, dagoeneko 70 kasuetatik gora joan direlako bainan adi, Antsoainen, Burlatan eta Iruñeko Buztintxurin eta Sanduzelain ere inzidentzia oso altua delako.
Gune itxietan ematen ari dira kutsaketa hauek, espazio itxietan; eta horregatik horiek mugatuko ditu Nafarroako Gobernuak. Ezaguna da gaurtik aurrera etxe barruko eta espazio pribatuetako bilkurak bizikideei mugatzen zirela. Hau da ezin dugu bisitarik jaso etxean edo bisitarik egin besteen etxeetara eta noski, aste santuan landetxeetarako ohiko opor horiek, bizikideekin soilik etxekoekin egitera mugatu beharko dira.
Nafarroako Gobernuak beste atzerapausu bat eman du eta tabernetako barrukaldea berriz ere itxiko da. Duela hiru aste ireki egin ziren barrukalde hauek, eta tamalez hain zuzen orduz geroztik biderkatu egin dira kutsaketak. Hostalaritza berriz ere terraza duten tabernetara mugatzen da beraz. Asteklehenean sartuko da indarrean neurria.