Ezezagun batzuek eraso egin diote Garesen 1936 eta 1939 urteen artean faxistek errepresaliatutako emakumeak oroitzen dituen monolitoari. Herriko emakume hauek oroitzen dituen arrokaren atzeko aldean, "II Errepublikaren aginduz fusilatu, torturatu eta estortsioa jasan duten milaka pertsona" gogoratzeko mezu bat idatzi dute errotulagailuz, testua "gora Espainia!" batekin errematatuz.
Emakume errepresaliatuak oroitzen dituen Zubiurrutiako monolitoa eta Korrikaren lekukoa eraso eta aldarrikapen ezberdinen pankartak eta kartelak kendu zituzten bart gauen Garesen. pic.twitter.com/bGmxKH8j5Y
— Garesko Auzalan (@garesko_auzalan) March 11, 2021
Monolito hau, Garesko Udalak jarri zuen, 1936 eta 1939 bitartean, herriko emakume asko, euren ideologia errepublikanoagatik edo errepresaliatu antifaxistekin zituzten loturengatik umiliatuak eta jazarriak izan zirela gogoratzeko.
Gau berean, "Gora España!" eEre idatzi zuten Korrikaren lekukoan eta Garesen herri mugimenduak jarritako kartel eta pankartekin ere hartu zuten.