Santos Indurain Nafarroako Gobernuko Osasun kontseilariak Aste Santuan ere etxeratze agindua 23:00etatik 6:00etara mantentzea proposatu du, eta datorren asteazkeneko Lurralde arteko Osasun Kontseiluan Nafarroak jarrera hori defendatuko du. Indurainen ustez, ordutegi horrek "zinemarena edo kulturarena bezalako eremuak mantentzea ahalbidetu digu", eta "proposamena hau da", azpimarratu du.
Kazetariei egindako adierazpenetan, Indurainek Osasun Publikoaren Batzordeak Aste Santurako egindako proposamena izan du hizpide: eskualde guztien itxiera perimetrala eta egun horietan etxeratze-agindua ezartzea, 22:00etatik 06:00etara. Neurri horiek hurrengo Lurraldearteko Osasun Kontseiluan berretsi behar dira.
"Lurralde arteko Kontseiluan, Osasun Publikorako Batzordean bezalaxe, adostasunak lortzea da helburua, baina guk gure ibilbide-orria daukagu, ebaluatzen ari garen irizpideetan oinarrituta, eta irizpide horiek mantentzen ditugu, eta ildo horretan izango dira gure proposamenak", adierazi du.
