Nafarroak Covid-19 kasu kopururik txikiena erregistratu du uztailaren 18tik

Euskalerria Irratia 2021ko mar. 1a, 09:47

Positibo tasa %5,4ra igo da, asteburuan proba gutxiago egiten dituztelako. Lehen eguna izan zen atzokoa ospitaleratzerik gabe joan den urtarriletik.

Nafarroak udaz geroztik izandako positibo berri kopururik txikiena izan zuen atzo; zehazki, uztailaren 18tik, 40 kasu jakinarazi zirenetik. 784 PCR eta antigeno proba egin zituzten foru erkidegoan, eta horietatik 42k eman zuten positibo. Ondorioz, positibo tasa %5eko langatik igo da, %5,4ra, baina aintzat hartu behar da proba gutxi egin zituztela. Hori kontua nizan behar da, halaber, kasu kopuruari begiratzerakoan.

Edonola ere, aurreko egunetan proba gehiago egin ziren, eta antzeko datuak erregistratu ziren, positibo tasa baxuagoekin. Larunbatean 45 kasu erregistratu ziren, eta tasa %4,2koa izan zen; ostiralean ere 45, eta tasa %2,4koa. Aurreko egunetan, kasuak 50etik gorakoak izan ziren, baina ehunetik beherakoak.

Atzo ez zen koronabirusarekin lotutako ospitaleratzerik izan, ez ospitaleratze arruntean, ez ZIUn, eta urtarrilaren 3tik ospitaleratzerik gabeko lehen eguna izan zen. Bestalde, 85 paziente COVID-19agatik ingresatuta zeuden ospitale-sareko zentroetan, aurreko egunean baino bat gutxiago. Horietako 19 ZIU postuetan daude (atzo bezala) eta beste 12 etxeko ospitaleratzean (aurreko eguneko kopuru bera). Gainerakoak, 54 paziente, plantan daude (atzo baino bat gutxiago). 

Atzo 85 urteko gizon bat hil zen, eta aurreko egunetan 86 urteko emakume bat hil zela jakinarazi dute. Nafarroan 1.098 heriotza baieztatu dituzte guztira.

Zonaldeka, Iruñean eta bere eskualdean kasu positiboen %50 erregistratu ziren, eta Lizarran, %38; Tuteran, berriz, ez zen kasurik erregistratu. Gainerako positiboak (%12) Nafarroako beste eremu batzuetan banatzen dira.

Birusak eragindako infekzioen intzidentzia metatua 51.219 da Nafarroan.

Bihar hasiko da 90 urtetik gorakoen txertatzea

Lehen Mailako Arretatik 80 urtetik gorakoei txertoa jartzeko telefono bidezko zitazioak aurrera jarraitzen du, 90 urtetik gorakoei lehentasuna emanez; izan ere, 90 urtetik gorakoen txertaketa-prozesua bihar hasiko da, asteartea, Iruñea inguruan, eta Tuterako eta Lizarrako osasun-eremuek jarraituko dute, asteazkenetik aurrera.

Iruñean, Azpilagañako kiroldegian (Alzania ibaia, osasun zentroaren parean) jarriko dute txertoa, eta asteazkenean Arrotxapeako kiroldegia (Nazario Carriquiri kalea) gehituko diote. 

Aldi berean, osasun-profesionalei bigarren dosia inokulatzen jarraitzen da, eta, aldi berean, oinarrizko zerbitzuetako langileei txertoa ematen jarraitzen da. Era berean, mendekotasun handia duten hiritarren txertaketak aurrera jarraitzen du.

Txertaketa-prozesuari dagokionez, atzo 986 dosi eman ziren, hau da, 63.425 txerto eman ziren, orain arte jasotako 72.825 dosietatik, asteburu honetan 3.000 Moderna dosi iritsi ondoren, eta horiei 7.020 Pfizer dosi berri gehitu beharko litzaizkieke, gaur arratsaldean jasotzea aurreikusten dena. Orain arte, 22.284 pertsonak osatu dute txertatzea.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!