Nafarroan 57 covid-19 kasu erregistratu dituzte, eta positibo tasa %3ra jaitsi da

Euskalerria Irratia 2021ko ots. 23a, 09:45

Hamalau egunez jarraian, ehun positibo baino gutxiago zenbatu dituzte Nafarroan, eta horri esker, ostiralean neurri murriztaileak laxatuko dituzte. 

Nafarroan 57 covid-19 kasu izan ziren atzo. Kopurua azken egunetakoaren antzekoa da, igandean ere 57 erregistratu baitziren. 1.856 proba egin zituzten Foru Erkidegoan, PCR eta antigenoen artean, eta hortaz, positibo tasa %3,1koa da.

Udalerri eta osasun eremuen artean, Altsasu nabarmendu da, hamar positiborekin. Iruñean eta eskualdean kasu positiboen %43 erregistratu ziren eta Tuteran, berriz, %5. Ez zen Lizarrako osasun-eremuko kasurik erregistratu. Gainerako positiboak (%52) Nafarroako beste eremu batzuetan daude.

Atzo 119 gaixo zeuden Foru Erkidegoko ospitale-sareko zentroetan, aurreko egunean baino zazpi gutxiago. Hala, koronabirusarekin lotutako bi ospitaleratze berri izan ziren, horietako bat ZIUn. Atzo ez zen heriotzarik izan, ezta aurreko egunetako heriotzarik jakinarazi ere. Nafarroan, guztira, 1.094 pertsona hil dira.

Nafarroan beheranzko joera egonkortzen ari dela erakusten dute datuek: hamalau egunez jarraian, ehun positibo baino gutxiago baieztatu baitira. Iragan astean aurrekoan baino %32 kasu gutxiago izan ziren, zehazki, 432 positibo, eta aurreko zazpi egunetan 639 izan ziren.

Azken asteotan lortzen ari diren datu baikorrei esker, Nafarroako Gobernuak ostiralean laxatuko ditu murrizketak; besteak beste, ostalaritza establezimenduen barrualdeak edukieraren %30ean irekiko dituzte, eta etxebizitzetako bilerak bi bizikidetza gunetara igaroko dira, gehienez ere sei pertsonatara.

Ospitale-okupazioaren ikuspegitik, Osasunbidea-Nafarroako Osasun Zerbitzuak jakinarazi duenez, ospitaleratzeen eta alten balantzearen ondoren, 119 pertsona ospitaleratuta daude COVID-19arekin (atzo baino zazpi gutxiago), horietako 20 ZIU postuetan daude (atzo baino bat gutxiago) eta beste 23 etxeko ospitaleratzean (atzo baino lau gutxiago). Gainerakoak, 76 paziente, lantegian daude (atzo baino bi gutxiago). Pertsona horiek guztiek positibo eman zuten PCR proba batean, infekzio hori izan edo ez ospitaleratzearen arrazoia, eta COVID-19 espazioak okupatzen dituzte.

Birusak eragindako infekzioen intzidentzia metatua 50.892 da Nafarroan.

Txertaketa: 20.625 lagunek osatu dute txertaketa

Txertaketa-prozesuari dagokionez, 1.332 dosi eman zituzten atzo, eta, ondorioz, 53.333 txerto eman zituzten Nafarroan (69.825 jaso zituzten orain arte). Orain arte, 20.625 pertsonak osatu dute txertoa, atzo 800 pertsonak bigarren dosia jaso ostean.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!