Nafarroan 78 kasu positibo berri izan ziren atzo, aurreko egunean baino hemezortzi gehiago, baina positibo tasa %5etik behera mantendu da. Atzo 1.886 proba egin zituzten foru erkidegoan, PCR eta antigenoen testen artean, eta horietatik 78k positibo eman zuten, %4,1.
Beraz, igoera apal bat izan da aurreko egunekin alderatuta, aste osoan oso datu baikorrak izan baitira. Atzo, esaterako, Nafarroak udaz geroztik izandako positibo tasarik txikiena erregistratu zen, %2,3, eta, halaber, astelehenean, uztailetik izandako positibo kopururik baxuena: 48 kasu.
Zonaldeka, Iruñean eta bere eskualdean kasu positiboen %59 izan ziren, Lizarran %5 eta Tuteran %12. Gainerako positiboak (%24) Nafarroako beste eremu batzuetan banatzen dira.
Ospitale-okupazioaren ikuspegitik, Osasunbidea-Nafarroako Osasun Zerbitzuak jakinarazi duenez, ospitaleratzeen eta alten balantzea egin ondoren, 132 pertsona daude Covid-19rekin ospitaleratuta (atzo baino lau gutxiago), horietako 24 ZIU lanpostuetan daude (atzoko kopuru bera) eta beste 21 etxeko ospitaleratzean (atzo baino hiru gehiago). Gainerakoak, 87 paziente, plantan daude (atzo baino zazpi gutxiago). Pertsona horiek guztiek positibo eman zuten PCR proba batean, infekzio hori izan edo ez ospitaleratzearen arrazoia, eta Covid-19 espazioak okupatzen dituzte.
Birusak eragindako infekzioen intzidentzia metatua 50.598 da Nafarroan.
2.000 dosi baino gehiago emanda
Txertaketari dagokionez, 2.011 dosi eman zituzten asteazken honetan, hau da, 47.220 txerto eman zituzten Nafarroan, orain arte jaso dituzten 55.065 txertoetatik. Orain arte, 18.131 lagunek hartu dute txertoa osorik, atzo 878k bigarren dosia jaso ostean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
