Nafarroako koronabirusaren bihurguneak beheranzko joaerarekin jarraitzen du. Azken bi egunetan 100 kasuko langaren azpitik izan da foru erkidegoa, urtarrilaren 4tik erregistratzen ez ziren zifrak. Azken egunean 80 kasu berri zenbatu dira, larunbatean baino zazpi gutxiago. Caparrosok izan ditu zifrarik altuenak zortzi kutsatu berrirekin; atzetik datoz Iruñeko Txantrea auzoa eta Irurtzun, sei kasurekin. Azken astean %21 egin dute behera antzemandako koronabirus kasu berriek; bigarren astea da, bihurguneak beheruntz egiten duela.
Ospitaletan, 187 pertsona daude ingresatuta eta horietatik 32 Zainketa Intentsiboetako Unitatean larri daude.
