Asteburuan baheketa egin dute Beran, covid-19 kasuak gora egiten ari zirelako. Izan ere, urtarrilaren 15etik 30era, 40 positibo atzeman dituzte Beran, egunero gutxienez kasu 1 eta gehienez 5. Intzidentzia horrekin larrituta, Osasunbideko agintariak udalarekin harremanetan jarri ziren baheketa egiteko, hedapena lehenbailehen kontrolatu ahal izateko.
Berako Udalak eman dituen behin-behineko datuen arabera, 11.029 pertsonak egin zuten proba, eta bakar baten emaitza baino ez da izan positiboa. Aitor Elexpuru alkatearen hitzetan, datu “lasaigarriak” dira azken egunotan bizi izandako “kezkaren” ondoren.
