Manu Aierdi Nafarroako Gobernuko Garapen Ekonomia eta Enpresa Garapenerako kontseilariak kargua uztea erabaki du, Auzitegi Gorenaren komuniazioa jaso ondoren, kereilatu gisa deklaratzeko. Sodenak Davalorri 2,6 milioi euro maileguan emategatik, prebarikazio eta diru publikoen xahutze deliturik egon ote den ikertuko du Auzitegi Gorenak.
Hunkituta, atsekabetuta azaldu da gaur eguerdian prentsaurrean, bainan egindako lanaz harro. Bost urtez izan da Nafarroako gobernuko kontseilari eta beti, Nafarroaren ekonomiaren alde egiten saiatu dela adierazi du. Davalor kasuan, UPNk izandako jarrera salatzeko probestu du, azalduz, politikaren judizializazioaren atea irekitzeak, arrisku handiak dituela.
Legeari jarraiki jardungo zela adierazi izan du Aierdik hasieratik, eta Maria Txibite Nafarroako presidenteak horixe berretsi zuen asteazkenean parlamentuan. Azaldu zuenez, kereiatuak, Manu Aierdik, komunikazioa jasotzen zuen unean bertan utziko zuen kargua, eta halaxe egin du. Navarra Sumak hasieratik eskatu du haren dimisioa.
Aierdi Nafarroako Justizia Auzitegi Nagusira joan zen atzo, eta Prozedura Kriminaleko Legearen 118. artikuluko eskubideak irakurri zizkioten, Auzitegi Gorenak agindu bezala.
Mikel Irujok hartuko du Ekonomia eta Enpresa Garapenerako kontseilari kargua.