Manu Aierdi Nafarroako Gobernuko Garapen Ekonomiko eta enpresarialeko kontseilaria Nafarroako Justizia Auzitegi Nagusira joan da ostegun honetan, eta Prozedura Kriminaleko Legearen 118. artikuluko eskubideak irakurri dizkiote, Auzitegi Gorenak agindu bezala.
Nafarroako Auzitegiak Gorenaren erregu bat jaso zuen asteazken honetan, fax bidez, Davalori egindako maileguen harira Aierdiri ikertu gisa zituen eskubideen berri emateko eskatuz. Hala, Aierdi Iruñeko Justizia Jauregira joan da gaur goizean.
Legeari jarraiki jardungo direla argitu zuen Maria Txibite Nafarroako presidenteak parlamentuan asteartean. Azaldu zuenez kereiatuak, Manu Aierdik, komunikazioa jasotzen duenean, une horretan utziko du kargua Aierdik berak.
Sodenak Davalorri 2,6 milioi euro maileguan emategatik, prebarikazio eta diru publikoen xahutze deliturik egon ote den ikertuko du Auzitegi Gorenak. Aurreko legegintzaldian Aierdi ekonomia kontseilari eta presidenteordea zenean gertatu ziren orain ikertuko dituztenak.
