Zaintza sistema publiko eta duina aldarrikatzeko greba egin du gaur ELA sindikatuak. Egungo sisteman kapitalak agintzen duela salatu du Izai Bujanda Zerbitzu Publikoetako Federazioko arduradunak, eta bizitzak erdigunean jarri behar direla adierazi du. Manifestazioa egin du sindikatuak eguerdian, Iruñean.
Sindikatuak "zaintza sistema unibertsal eta doakoa" proposatzen du, eta interes pribatuen esku dagoen sektorea publifikatzea ezinbestekoa dela aldarrikatzen du. Batetik, prekarietatearekin amaitzeko eta bestetik, Nafarroako hitzarmen baten negoziazioa abian jartzeko.
ELAk dio zaintzaren alorreko langileen lan-baldintzak hobetzea "ezinbestekoa" dela, zaindu beharreko pertsonek arreta "duina eta integrala" izan dezaten. Sindikatuaren iritziz, beharrezkoa da hitzarmen bat egitea Nafarroan, batez ere, adinekoentzako egoitzetarako eta eguneko zentroetarako.