Nafarroak 200 kasutik gora erregistratzen jarraitzen du, eta positibo tasa % 7,3ra igo da

Euskalerria Irratia 2021ko urt. 21a, 08:29

Osasun langile bat, antigenoen test batekin.

Azken 14 egunetako 100.000 biztanleko kasuen intzidentzia metatua 412,25 kasukoa da.

Nafarroako Gobernuak emandako behin-behineko datuen arabera, Foru Erkidegoak 225 Covid-19 kasu erregistratu zituen atzo, 3.081 PCR eta antigeno proba egin ostean, beraz, positibo tasa %7,3koa da. Aurreko egunean 206 kasu izan ziren, eta positibo tasa %6,3koa izan zen.

Astelehenetik 58 ospitaleratze egin dituzte (atzoko datua falta da). ZIU oheen %14,52 covid pazienteek okupatuta daude. Asteartean %12,90 ziren.

Azken egunotan erregistratutako kasuen bilakaera honako hau izan da: joan den asteko asteazkenean 213 izan ziren (%7,9), ostegunean 238 (%8,3) ostiralean 195 (%6,7), larunbatean 159 (%8,1), igandean 199 (%11,7), astelehenean 239 (%8,8) eta asteartean 206 (%6,3ko).

Azken 14 egunetako 100.000 biztanleko kasuen intzidentzia metatua 412,25 kasukoa da, Osasun Departamentuaren azken datuaren arabera.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.

Bazkidetu zaitez!

Nafarroak 200 kasutik gora erregistratzen jarraitzen du, eta positibo tasa % 7,3ra igo da

Gertuko informazioa, euskaraz