Nafarroako Gobernuak eta Lizarrako Udalak finantzatutako enplegurako prestakuntza programa batean parte hartu zuen Pascuala Amadorrek. Juguettos frankiziari esleitu zitzaion praktika aldirako, baina, sinadurak datu guztiak jaso zituenean, establezimenduko arduradunak atzera egitea erabaki zuen. Amadorrek salatu du bere abizenengatik izan dela, ijitoa delako, eta hortaz, eraso arrazista bat dela.
Gaz Kaló, SOS Arrazakeria Nafarroa eta LAB sindikatuek elkarretaratzea egin zuten atzo Nafarroako Gobernuaren Eskubide Sozialen Departamentuaren aurrean, Pascuala Amadorrek jasandako diskriminazio kasua salatzeko. Gizarte Eskubideen Departamentua, Migrazio Politiken Departameentua, Lizarrako Udala eta Juguettos frankizia interpelatu zituzten, eta bide judiziala ere hartuko dutela iragarri zuten.