Ostiraletik bederatzietan itxi behar dituzte ostalariek negozioak. Jatetxe eta tabernetan aldaketak egon litezke aste honetan ere. Neurriak gogortu, eta astebetera berrikusiko zituela iragarri zuen joan den astean Nafarroako Gobernuak. Gobernuak bihar aztertuko du, ohiko bileran, neurriak zorroztuko dituen edo ez, eta Euskalerria Irratiak jakin duenez, mahai gainean du barrualdeak ixteko aukera. Neurria ostiraletik aurrera izanen litzateke indarrean.
Egun %30ko gehienezko edukiera dute ostalariek barrualdean, eta %100koa terrazetan. Urriaren 22tik itxita egon ondotik azaroaren 26an zabaldu zituzten jatetxe eta tabernetako terrazak.
Topaketa pribatuak bizikideetara mugatzea ere aztertuko du gobernuak.