Urriaren 12an Sortuk beste talde batzuekin batera Iruñean egindako protestagatik hamabi lagun deklaratzera deituak izango dira Espainiako Auzitegi Nazionalean. Koroaren aurkako delituak leporatzen dizkiete Felipe Borboikoaren estatua eraisteagaitk.
“Gure herrialdearen izaera errepublikanoa eta antimonarkikoa aldarrikatzen dugu. Monarkia erakunde arkaikoa, antidemokratikoa, matxista eta ustela da. Bortxaezintasunak ahalbidetuta, kontaezinak dira eginiko delitu, krimen, irregulartasun eta arduragabekeriak, beti ere komunikabide nagusi, indar politiko, ekonomiko, judizialen eta Espainiako eliza katolikoaren babespean”, adierazi du ELAk ohar batean.
Sindikatuak “adierazpen askatasunaren kontrako eraso hau” salatu du eta “persekuzio politikoan oinarritutako auzia” bertan behera geratzeko eskatzu du. Halaber, deklaratzera deituak izan diren eta errepresaliak jaso dituzten eta jasotzen dituztenei babesa ere adierazi die.