Koronabirusari aurre egiteko neurrien aritzearekin batera heldu da abenduaren 24a. Eguberrietako egun seinalatuak ospatzeko, neurriak laxatu ditu gobernuak. Atzo zabaldu zuten Nafarroako itxialdi perimetrala. Bi aldi baterako salbuespenak onartu ditu gobernuak, senideekin edo hurbilekoekin biltzeko. Atzo hasi zen lehenengoa eta abenduaren 26ra luzatuko da. Bigarrena, abenduaren 30era eta urtarrilaren 2ra bitartean izanen da. Mugimenduak baimentzen dituen dokumentua euskaraz hemen eskuratu daiteke.
Gaur abenduaren 24an, bihar, 25ean eta 31n eta abenduaren 1ean, gainera, bilera pribatuak bi bizikidetza-unitatekoak eta gehienez hamar lagunekoak izan ahalko dira. Gainerakoan, sei lagunekoak izan daitezke gehienez.
Etxeratze aginduak indarrean jarraituko du, 23,00etatik 6,00etara, baina 1:30era arte luzatuko da gaur gauean, Gabon-gauean eta Urtezahar-gauean, etxera itzultzeko.