Bere oharrean, epaileek adierazi dute epaiketa errepikatzeko erabakia hartzen dutela, "Giza Eskubideen Europako Hitzarmenaren 7. protokoloaren 4.2 artikulua, zeinak baztertu egiten baitu epaiketa bikoitzaren debekua orain ebazten dena bezalako kasuetan ". Halaber, "salaren jurisprudentziaren aurrekarietan" oinarritzen dela adierazi dute.
Lehen aldia da Giza Eskubideen Europako Auzitegiak baliogabetutako epaiketa bat errepikatzen dela, 2015ean epaiak aplikatzeko modua arautu zenetik, eta Gorenak berak kasua itxi ondoren, Estrasburgoko epaiak bidezko epaiketarik izan ez zutela ebatzi baitzuen. Baina bigarren salako presidenteak, Manuel Marchenak, auzia berrikusteko eskatu zuen irailean, eta alderdiei iritzia emateko eskatu zien, beste epaiketa bati ateak irekitzeko. Eta Goreneko Fiskaltzak errepikapenaren alde egin zuen. Miguel Colmenero magistratua txostengile duen epaiaren arrazoibide juridikoak aurrerago ezagutuko dira.
Arnaldo Otegik, Rafa Diezek, Arkaitz Rodriguezek, Sonia Jacintok eta Miren Zabaletak sei urte eta sei urte eta erdi arteko zigorrak ezarri zizkieten. Bostak daude libre, espetxe zigorrak osorik beteta. Otegik oraindik badu inhabilitazioa.
"Luchar, vencer, caerse, levantarse".
— Miren (@miren_zabaleta) December 14, 2020
La paz, la justicia y la democracia merecían y merecen siempre.#BateraAurre