Atzo Nafarroan eginiko 1.752 PCR eta antigeno proben %3,5k eman du positibo. 62 koronabirus kutsatze berri atzeman dituzte. Atzo, Zizur Nagusian atzeman zituzten gehien (5). Zerrendan ondoren, Cortes, Lizarra, Arrotxapea eta II. Zabalgunea daude.
Osasun Ministerioaren datuen arabera, azken 7 egunetan pilatutako intzidentziaren adierazlean muturreko arrisku-egoeran egoteari utzi dio Nafarroak: 100.000 biztanleko 114 kasu izan dira, maila batetik bestera igarotzeko 125 kasuak baino gutxiago. Izan ere, Nafarroa bi adierazletan baino ez dago muturreko arriskuan: 14 egunetan metatutako intzidentzia (262) eta ZIU oheen okupazioan (%5,58). Astelehenean bederatzi pertsona gehiago hil ziren Nafarroan koronabirusaz jota.
