Osasun sisteman atzo eginiko 1.452 PCR eta antigeno proben %4,8k eman du positibo; hau da, 69 kasu positibo berri atzeman zituzten astelehenean Nafarroan. Zonaldeka, Berriozar nabarmentzen da, 9 kasurekin; atzetik, Altsasu eta Cintruenigo, 4rekin; Burlata, Lizarra eta Arrotxapea auzoa, hiruna kasurekin.
Igandeko datuekin alderatuta, beherakada nabarmena izan da positibotasun tasan. Zehazki, Nafarroako Osasun Publikoko eta Lan Osasuneko Institutuak emandako datuen arabera, COVID-19ak eragindako 83 infekzio-kasu positibo berri detektatu ziren igandean, osasun-sistema publikoan 976 proba egin ondoren (776 PCR eta 200 antigeno-test). Positibotasun tasa %8,5era igo zen. Horietatik %85 aurreko positiboen kontaktuei dagozkie.
