Bakartxo Ruiz parlamentariak azaldu moduan, Nafarroako Gobernuak, ereduen arteko hautaketa egin behar zuen. Navarra Sumak ordezkatzen duen eskuinaren eredua edota ezkerretik etorritako neurriena, EH Bilduren izenean. Pozik, beraz, eskuina, beste behin ere, “jokoz kanpo” geratu delako Foru Erkidegoko politikan.
Akordiora iristea, dena den, ez da erreza izan, indar abertzaleak aitortu duenez. Gobernuaren proposamena eta EH Bilduren arteko desadostasunak agerikoak izan dira, batez ere fiskalitateari dagokionez, halaxe azaltzen dira islatuta sinaturiko dokumentuan.
Baina Adolfo Araiz bozeramale parlamentarioak azaldu moduan, bi aldeek adostasunak bilatzeko borondatea azaldu dute uneoro.
Bigarren urtez jarraian, Nafarroako Gobernuak eta EH Bilduk aurrkeontuak aurrera ateratzeko akordioa erdietsi dute eta hori ere ikur bat dela azpimarrtau du Bakartxo Ruizek, adostasun puntualetatik haratago, Nafarroan, bestelako politikak, ikuspegi aurrerakoiarekin, egin daitezkela.
Aurrekontuen akordioa pausu bat da Nafarroako politikan, elkar ulertze handiagoak eraikitzerako bidean, EH Bilduren ustez.
