'Cultura en casa' Civivox sarearen programa berria da, eta www.pamplonaescultura.es webguneko bideo txikien bidez, musika, liburuak edo filmak gomendatuko ditu udazken honetan, etxean gozatu ahal izateko. Ikus-entzunezko pilula hauek astebetez ikusi ahal izango dira, ostiraletik ostiralera. Gomendio guztiak sarean daude eskuragarri Youtube edo Spotify plataformetan (musikaren kasuan) eta Nafarroako Liburutegi Publikoen Sareko katalogoetan (liburu eta filmetarako).
Bideo horietan asteroko gomendio bakoitzari buruzko iruzkinak, analisiak, kritikak eta bitxikeriak erakutsiko dituzte. 'La gran evasión' saioak erritmo, doinu eta musika proposamenak bilduko ditu, beste kultura, garai eta dimentsio batzuetara eramateko. Aste honetan Postmodern Jukebox taldearekin hasiko da eta azaroan Beirut talde estatubatuarrarekin jarraituko du, gaur egungo emakume ahotsekin eta Euskal Barrokensemble antzinako musika taldearekin. Musika gomendio hauek Iñigo Osések koordinatzen ditu.
'Hablemos de literatura' saioan, Sara Brun kazetari eta idazleak genero ezberdinetako bi liburu irakurtzea proposatuko du astero. Bihar, ostirala, www.pamplonaescultura.es helbidean argitaratuko dira lehen gomendioak. Saiakeran zentratuko dira, ikertzaileentzat espezifikoa izateari utzi eta salduenen artean tituluak lortu dituen generoan. Mikel Santiagoren 'Las brujas de Zugarramurdi, la historia del Aquelarre y la Inquisición' eta Irene Vallejoren 'El infinito en un Junco' aztertuko dituzte. Hurrengo ataletan, gerren eta gerraosteen literaturaz, thrillerrez eta bihotzaz hitz egiten duten eleberriez hitz egingo dute Anthony Doerr, Pere Cervantes, Terry Hayes, Mikel Santiago, Maggie O 'Farrell eta Siri Hustvedt idazleen bitartez.
'Pelis de sofá y mantita' izenburu iradokitzailearen barruan, Luis Azanza zinema zuzendariak prestatutako gomendio zinematografikoak sartzen dira, guztiak ere zinema espainiarrarenak. Aste honetan hasiko da Pedro Almodovarren 'Laberinto de pasiones' filmarekin. 'Los golfos 'Carlos Sauraren opera lehena, 'Queridísimos verdugos' Basilio Martin Patinoren lana eta 'Un día más con vida' Raul de la Fuente nafarraren dokumental animatua gomendatuko dituzte azaroan.
Civivoxek Internet bidez gomendatuko ditu ikus-entzunezko piezak, liburutegietan edo plataforma digitaletan doan aurki daitezkeen liburuak edo musika, etxean gozatu ahal izateko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!