Bakartxo Ruiz EH bilduko bozeramaileak, Nafarroako Parlamentuko osoko bilkurara iritsi denean egindako adierazpenetan, esan du "zentzugabekeria" dela "Iruñeko auzoetan hainbeste urtez eta are gehiago testuinguru honetan, pandemia betean, lan egin duten talde soziokomunitarioen sistema desegitea". "Aauzoetako errealitatea ezagutzen duten ehunka boluntario eta profesionalek osatutako sare baten urteetako lanari buelta eman nahi zaio", salatu du. Navarra Sumaren udal gobernuari eta PSNri aldaketak ez onartzeko eskatu die.
Bestalde, Ainhoa Aznarez Ahal Dugu-ko parlamentariak eta Carlos Guzman Izquierda-Ezkerrakoak agerraldia egin dute hedabideen aurrean, adierazpen instituzional bateratu bat aurkezteko, Nafarroako Parlamentuak aurreikusitako aldaketa horien aurka egin dezan.
Adierazpen horren bidez, orain arte zerbitzua eman duten zortzi elkarteei "babesa eta aitortza" emateko eskatu dute. Gainera, eskatu dute ganberak "beharrezkotzat" hartzeko du ekintza komunitarioko zortzi taldeak kentzeko proiektua bertan behera uztea, eta eredu "arrakastatsu" hori indartzea eta beste auzo batzuetara esportatzea, funtsezko zerbitzu gisa.