Nafarroako Osasun Publikoko eta Lan Osasuneko Institutuak emandako datuen arabera, COVID-19ak eragindako 500 kasu positibo berri erregistratu ziren atzo Nafarroan, osasun sistema publikoan 3.167 proba PCR bidez eta antigeno test bidez egin ostean (%15,8).
Atzo, Nafarroako ospitaleetan 19 lagun ospitaleratu zituzten, horietako sei ZIUn. Halaber, bi heriotza izan ziren COVID-19aren ondorioz, 94 urteko bi emakume. Beraz, arrazoi horrek eragindako heriotzen kopurua, guztira, 676koa da.
Nafarroako ospitale-sarean 401 pertsona daude ospitaleratuta COVID-19arekin (atzo baino 12 gehiago), horietako 50 ZIU postuetan daude (atzo baino sei gehiago) eta beste 70 etxean ospitaleratuta. Gainerakoak, 281 paziente, plantan daude.
Zonaldeka, Iruñerrian positiboen %66 erregistratu da, Tuteran %11 eta Lizarran %7. Gainerako positiboak (%16) Nafarroako beste eremu batzuetan daude.
Erregistratutako kasuen banaketari dagokionez, adin-tarteen arabera, talde nagusia 45 eta 59 urte artekoa da, guztizkoaren % 26. Jarraian, 15-29 urteko taldeak daude (%22); ondoren, 30-44 urteko taldeak (%21); 15 urtetik beherakoak (%13); 60-75 urteko taldeak (%11); eta, azkenik, 75 urtetik gorakoak (%7). Kasu berrien batez besteko adina 40,7 urtekoa da.
Generoari dagokionez, kasuen %51 emakumeak dira eta %49 gizonak.
