Guardia Zibilaren Natura Babesteko Zerbitzuko agenteak (Seprona) bertaratu dira tokira, eta ikuskapena egin dute ibaian. Ikuskapen horretan, ibaia uhertuta zegoela ikusi dute, eta neurri desberdinetako 30 amuarrain inguru zeudela baieztatu dute, batzuk flotatzen eta beste batzuk hondoan, ibaiertzetik gertu, sakonera txikiko lekuetan. Halaber, konprobatu dute ibaian gora ibilgua kristal itxurakoa zela, eta, beraz, laginak hartu dituzte kaltetutako eremuan.
Ikerketan, egiaztatu ahal izan dute aurreko egunetan isurketa batzuk izan direla, ustez, uraren pH maila araututa dagoen mailatik gora eramanez. Ustez, iragazteko ponpen sistemaren akats bat eta sortu behar ziren alarmen kudeaketa desegokia izan da arrazoia. Hala azaldu dute ohar batean.
Beraz, Sepronako agenteek lortutako laginak eta txostenak Ebroko Ur Konfederazioko uraren kalitateari buruzko laborategira bidali dituzte, Zaragozara, eta horiek, azterketen ondoren, geretatutakoaren arrazoia isurketa bat izan den ala ez ebatziko dute.
