Trafiko eta Bide Segurtasunaren transferentzia hilabete honetan Nafarroaren eta Espainiako Etatuaren arteko transferentzien batzorde mistoan gauzatu behar zen, baina datarik gabe jarraitzen du, Foru Gobernuak iturriek Diario de Noticias berripaperari jakinarazi diotenez. Ez dirudi laster egingo denik, gainera, Madrilgo gobernuaren lehentasunak beste batzuk baitira une honetan.
Nafarroako Gobernua, dena dela, baikor agertu da, eta “berandu baino lehen” aldebiko bilera deituko dutela espero du, Nafarroan baldintzak adosteko eta Trafikoaren eta Bide Segurtasunaren kudeaketa esklusiboari ekiteko.
Foru Hobekuntzan aitortutako eskumena da, eta Kataluniak eta Euskal Autonomia Erkidegoak dagoeneko erabiltzen dute. Eskumen hori itzultzea, beraz, Nafarroaren aspaldiko eskaria da, eta gobernu zentralek, neurri handiagoan edo txikiagoan, betetzeko konpromisoa hartu dute, baina ez da inoiz bete.