"Erabaki latza, euskararen aldeko ekitaldirik jendetsuena eta zirraragarriena ez dugulako orain izango, eta badakigulako euskararen aldeko bultzada ezin dela apaldu; gainera, KORRIKAk helburu ekonomiko zehatza dauka (AEKren euskaltegietako lana indartzea) eta atzeratzeak kalte egingo dio lan horri, zalantzarik ez". Hitz horiekin eman du aditzera AEKk 22. Korrika urtebete atzeratzea erabaki dutela.
Pandemiaren kolpea jaso arren, euskara ikasteko hautua egin duten ikasleak zoriondu ditu AEKk eta Euskaldian parte hartzeko deia luzatu dute.
