Gobernuak EH Bildurekin itunik egiten ez badu, aurrekontuak onartzea erraztea eskaini du Navarra Sumak, eta, horren ostean, Txibitek hedabideen aurrean esan du bere jarrera martxotik lantzen ari den "berbera" dela, pandemiaren aurrean foru dekretuak onartuta: "Indar politiko guztiekin hitz egitea".
"Ez dut ulertzen alderdi politikoen arteko beto gurutzatuak hastea. Gobernuaren nahia guztiekin hitz egiten jarraitzea da, eta aurrekontuak aho batez onartzen saiatzea, edo gutxienez aurkako botorik gabe, [pandemia garaiko] zortzi dekretuetatik zazpirekin egin dugun bezala", adierazi du.
Aurrekontuak "garaiz eta behar bezala" onartzea nahi duela esan du, alegia, benduaren 31rako, beranduenez. Navarra Suma eta EH Bildurekin izan dituen bileren inguruan, Txibitek esan du mahai gainean jarri dizkieten “hainbat dokumentu eta proposamen aztertuko” dituztela.