Gizarte Eskubideen Departamentuak jakitera eman duenez, Azkoiengo egoitzako adineko pertsona bat hil zen atzo, eta egoitza horretako hamazazpi erabiltzailek positibo eman zuten COVID-19an; horrela, zentroaren agerraldia larriagotu egin da, zentroko 52 egoiliarretatik 49k Covid-19ak jota daudelako. Gainera, zentroko bederatzi langile bajan daude.
Egoiliar guztietatik bost ospitaleratuta daude, hamar egoitzan bertan eta bederatzi Iruñeko eta San Adriango bitarteko baliabide-zentroetan.
Gizarte Eskubide eta Osasun Departamentuek indartu egin dituzte egoitzako zainketa medikoak eta erizaintzakoak, eta atzemandako agerraldiaren jarraipen zehatza egiten du. Ildo horretan, Departamentuak azpimarratu du "funtsezkoa" dela prebentzio-neurriak zorroztea, bereziki prebalentzia handia duten Nafarroako eremuetan; "izan ere, edozein unetan sar daiteke birusa egoitzan, eta Azkoienen izandakoa bezalako inpaktu garrantzitsuak eragin ditzake".