Helburua onartutako adierazpen instituzionalen kopurua murriztea da, eta aurrera egiten dutenek parlamentu osoaren borondatea ordezkatzea. Hala gertatzen da bai Espainiako Kongresuan eta Senatuan, bai erkidegoetako parlamentu gehienetan.
Nafarroan, ordea, batzordea hasi baino bost minutu lehenago aurkez daitezke, eta horrek adierazpenen berehalakotasuna eta gaurkotasuna errazten duen arren, ekartzen du adierazpen asko izatea: astelehenero onartzen da bat baino gehiago, zenbaitetan puntuka zatituta.
Beraz, aldaketa hau tramitatu du Parlamentuko Mahaiak, eta talde guztien babesa izan du, Navarra Sumarena izan ezik, eztabaida ahalmena murrizten duelakoan.
Geroa Bairen iritziz, esaterako, aldaketa hau beharrezkoa zen, adierazpen instituzionalei behar duten garrantzia eta zorroztasuna emateko. PSNrentzat, baliagarria izango da adierazpen instituzionalen erabilira politikoak ekiditeko, batasun irudia emateko, eta adierazpenei garrantzia eta indarra emateko.
Testua osteguneko osoko bilkurara igorri dute, eta parlamentuko gehiengoaren babesa duenez, hilaren 19an sartuko da indarrean.