Elkarfunding bat aurkezten du Etxerat elkarteak, euskal presoen senideek bisitak egin ahal izateko urtean egin behar dituzten 14.617.304 kilometroetako batzuk modu solidarioan erosteko.
Joan den ekainean Gasolinarako dirua behar dugu dinamika aktibatu zuten, eta horren bidez ohartarazi nahi izan zuten Covid-19ak egoera arriskutsuenetan dauden pertsonak (besteak beste, presoak eta haien senideak eta gertukoak) gehiegi kolpatzen dituela eta zama gehigarri handia suposatzen duela presoen senideentzat urrunketa jasaten jarraitzen dutelako, eta, batez ere, senideei ekonomikoki laguntzea proposatu zuten, neurri batean, egoera hau arintzen saiatzeko.
Hiru aukera proposatzen dituzte elkarfunding-ean parte hartzeko.
- 130 kilometroko erosketa, 10 euroko dohaintzaren bidez (poltsa bat opari)
- 190 kilometroko erosketa, 15 euroko dohaintzaren bidez (kamiseta bat opari)
- 260 kilometroko erosketa, 20 euroko dohaintzaren bidez (poltsa + kamiseta + giltzatako-zintzilikaria opari).
Nnahi duen orok parte hartu ahal izango du kilometroak erosiz. "Trukean, albaran bat emango zaizue eta, laster, zuen ekarpenari dagokion materiala jasoko duzue", adierazi dute Etxerat elkarteko bozeramaileek. Depositoakbete.eus webgunean, materiala dago eskuragai.
