Nafarroako Parlamentuko osoko bilkuraren aurretik adierazpenak eman ditu Santos Indurain Osasun kontseilariak, eta koronabirusaren datu berriak eman ditu: 223 kasu berri atzeman zituzten atzo, 3.317 PCR proba egin eta gero. Positibotasuna %6,7koa da.
“Datuek arnasaldi bat ekarri digute, baina inolaz ere ez lasaitasuna”, adierazi du, irmoki. Nafarroa 300 kasuren inguruko “lautada” fasean dagoela esan du, eta orain bihurgunea apaltzea dela xedea.
Azkoien, beste aste batez itxita
Azkoiengo itxialdiari dagokionez, jakinarazi du departamentuaren asmoa dela herria beste aste batez ixtea, neurriak funtzionatzen ari direlako, baina oraindik aurrera egiten jarraitu beharra dagoelako.
