EH Bilduk har batean azaldu duenez, Nafarroak "ezin ditu tutoretzak onartu, eskumen propioak deuseztatu eta lurraldeak bateratzea helburu duten gidalerro bakarrak inposatzen dituenak". "Akordioa Diaz Ayusoren kudeaketa txarra ezkutatzeko beharretik sortu da, eta Sanchezek komenientzia politiko hutsagatik onartu du", kritikatu du.
EH Bilduren iritziz, "ezkutuko aginte bakarra da, eta Sanchezen gobernuak irizpide homogeneoak aplikatu nahi ditu, lurralde bakoitzaren errealitatea eta erabakitzeko ahalmena kontuan hartu gabe". Hori dela eta, "inolako xantaia politikorik ez onartzeko" eskatu dio foru gobernuari. "Nafarroak behar besteko eskumena eta gaitasuna du bere egoerari aurre egiteko beharrezko neurriak hartzeko", defendatu du.
Koalizioarentzat, "onartezina" da Ayusok zehaztea Nafarroan zer egin beharko litzatekeen, eta Maria Txibiteri eskatu dio hark ere "xantaiarik ez onartzeko" eta bertatik lan egin dezala, "plan estrategiko batean, baliabide eraginkorrekin, egoera lehenbailehen bideratzeko".
