Osasun krisia kudeatzeko Hego Euskal Herriko instituzioek aurrera eraman duten politikekin ez dago ados Osasuna eta Eskubideak taldea. Horregatik "osasun publikoan egindako murrizketak" eta "arreta eskasa" salatzeko auto karabana eginen du larunbatean. Hego Euskal Herriko lau hiriburuak eta Oñati batuko ditu protestak. Iruñean Decathlon dendaren parkinean izanen da irteera, 9:00etan.
Taldearen antolatzaileek ikerketa independentea eskatu dute, "inolako beldurrik eta kontrolik gabe". "Antizientifismotzat" jo dute datuak zalantzan jartzen dituzten ikerketak ez aztertzea. Zahar etxeetan bizi den "utzikeria", haurrak "sufritzen ari diren distopia", komunikabideek sortzen duten izua, musukoen erabilera eta piliziaren errepresioa salatuko dituzte, besteak beste. Salaketak eta eskakizunak biltzen diteuen manifestu bat egin du taldeak.