Nafarroako Osasun Publikoaren eta Lan Osasunaren Institutuak emandako datuen arabera, 301 kasu positibo berri atzeman zituen asteartean Nafarroako Gobernuak, osasun sistema publikoan 2.851 PCR proba egin ostean (% 10,5 positibo).
Gaixotasun horrekin lotutako 23 ospitaleratze berri izan ziren Nafarroako ospitaleetan, horietako bat ZIUn. Hala ere, alten eta bajen balantzearen ostean, Nafarroako ospitale-sarearen okupazioa egonkor mantendu da Nafarroako ospitale sarean 145 pertsonak jarraitzen dute ospitaleratuta, COVID-19rekin (atzo baino 7 gehiagok); horietatik 11 ZIUn daude, eta beste 18 etxean. Gainerakoak, 116 gaixo, plantan daude.
82 urteko emakume bat hil zen COVID-19ren ondorioz, eta guztira 549 pertsona dira hil direnak. Nafarroako hilkortasun indizea maiatzaren 11tik aurrera atzemandako kasuen %0,2an dago.
Eskualdeka, Iruñean eta Eskualdean positiboen %47 erregistratu dira, Tuteran %25, eta Lizarran kasuen %10.
Erregistratutako kasuen adin-tarteen araberako banaketari dagokionez, 30-44 urteko eta 45-59 urteko taldeak dira nagusi (%22), eta, ondoren, 15-29 urteko taldeak (%21). Jarraian, 15 urtetik beherakoen taldea dago, %17rekin, 60-75 urte bitartekoen taldea, %11rekin, eta, azkenik, 75 urtetik gorakoen taldea dago,%7rekin. Kasu berrien batez besteko adina 38,7 urtekoa da.
Generoari dagokionez, %51 emakumezkoak dira, eta %49 gizonezkoak.