Baiko Pilota enpresako pilotarien gehiengoa haserre azaldu da prentsa aurrean. Enpresari "jarrera aldaketa" eskatu diote, egoera "jasangaitza" dela iritzita. Hemezortzi kirolarik sinatu dute agiria, eta ez dituzte mobilizazioak baztertu.
Hamasei pilotarik hartu zuten parte agerraldian. Sinatzaile diren Joanes Bakaikoa eta Jon Erasun pilotariak ezin izan ziren bertaratu; baina Iosu Eskirozek eta Victor Estebanek bete zuten haien lekua. Baioko enpresak ez die kontratua berritu Makirriain eta Ezkaraiko pilotariei. Ez ziren egon Aimar Olaizola, Mikel Urrutikoetxea eta Ander Imaz.
Jose Ramon Garai gerenteak jarrera aldatzea eskatu diote Baiko Pilotari, baita maila pertsonalean ere. Gainera, "bidegabe berritu gabeko" lankideei "baldintzarik gabeko" babesa agertu diete, eta enpresak ERTEri buruz emandako bertsioarekin ados ez daudela adierazi dute."Gure eskaerei entzungor egiten badiegu eta tratu bera jasotzen badugu, neurri zorrotzagoak hartu beharko ditugu, besteak beste, mobilizazio batera iristeko aukera", adierazi dute.