Asteburu honetan Leitzan egindako 1.882 probek, Osasun Departamentuak Leitzako Udalarekin koordinatuta egindako baheketa berezi baten ondorioz, 35 PCR positibo izan dituzte, hau da, %1,86.
Osasun Departamentuak erregistratutako kasu berrien ikerketa epidemiologikoa egiten ari da, kontaktu estuak atzemateko, horiei isolamendua eta beharrezko prebentzio neurriak jakinarazteko, Foru Gobernuak ohar batean jakitera eman duenez.
Leitzan baheketa epidemiologikorako dispositiboa egin zuten joan den asteburuan, Covid-19aren intzidentzia altuak eraginda, eta bertan bizi diren 15 urtetik gorako 2.500 lagunei zuzenduta zegoen.