Pertsona bat zendu da Tuteran koronabirusarekin

Euskalerria Irratia 2020ko abu. 11a, 11:48

Azken egunean 59 koronabirus kasu berri azaldu dira Nafarroan eta 6 pertsona ospitaleratu dituzte. Heriotza baten berri eman du Osasun kontseilariak. Tuteran gertatu da. 531 pertsona zendu dira Nafarroan pandemia hasi zenetik.

"Atzoko datu altuak ez dira sobera larritzekoak eta gaur beherakada ere ez da lasaitzeko modukoa" halaxe azaldu du Santos Indurain, Osasun Kontseilariak egun Nafarroan bizi dugun egoera, "Alarma egoeran gaude, osasun arlotik erantzuten eta kasu guztiak kontrolpean ditugu, beren aztarnak jarraitzen".

Atzoko 146 positiboen ostean, gaur 59 koronobirus kasu berri antzeman direla azaldu du Indurainek. Hori bai, azken egunetan, ospitaletan arreta behar duten pertsonen kopurua etengabe ari da hatzen. Atzo 6 pertsona ingresatu ziren Nafarroan, horietatik bi Zainketa Intentsiboetako Unitatean, non une honetan 8 gaixo daude artatuta.

Atzo Tuteran pertsona bat hil egin zen koronabirusarekin, larunbatetik honat zendu den bigarren gaixoa. Pandemia hasi zenetik 531 pertsona hil dira Nafarroan.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!