Haren senideek SOS Nafarroaren 112 telefonora deitu zuten, neska La Presa eremuan uretan zegoela eta ez zutela ikusten adierazteko.
Larrialdiak kudeatzeko zentroak Suhiltzaileen Zerbitzuko Uretako Erreskate Taldea eta Azkoiengo parkeko dotazioak mobilizatu zituen, guardiako mediku taldearekin eta anbulantzia medikalizatu batekin batera, baita Milagroko Udaltzaingoa ere.
Neska desagertu eta ordu erdira, eta sorospen taldeak iritsi baino minutu batzuk lehenago, haren gorpua aurkitu eta uretatik atera zuten. Talde medikoa suspertzen saiatu zen. Gorpua Nafarroako Auzitegi Medikuntzako Institutura eraman zuten, autopsia egiteko.