Funtsa lau tartek osatzen dute, eta kontuan hartu dituzte osasunaren, hezkuntzaren eta diru sarreren murrizketaren arloko finantzaketa beharrak. Asteazken honetan onartutako tartea lurraldeen artean banatuko diren bi tarteetako lehena izango da, gastu sanitarioaren irizpideei jarraiki, eta funtsaren erdia baino gehiagokoa, 9.000 milioi eurokoa, izango da.
Gaur banatutako 6.000 milioiko lehen tarteak kontuan hartzen du birusak erkidegoetan izan duen eragina, eta, beraz, honako hauek hartzen dira kontuan banaketan: ZIUko ospitaleratzeak (%30); ospitaleratutako pazienteak (%25); guztira egindako PCRak (%10), eta babestutako biztanleria baliokidea (%35). Aldagai sanitarioak apirilaren 30era arte erregistratutakoak dira.
Funtsaren bigarren zatia 3.000 milioi eurokoa izango da eta azaroan ordainduko da. Hirugarren zatia hezkuntzari lotuta dago, 2.000 milioi eurorekin, eta irailean transferituko dute. Azkenik, funtsaren laugarren zatiak 5.000 milioi euro ditu, eta abenduan banatuko zaie erregimen komuneko autonomia-erkidegoei —beraz, Nafarroa kanpoan geratuko da—.