Koronabirus kasu berriak ia hirkoiztu dira Nafarroan. Aste hasieran 6 kasu berri agertu baziren, ostegunean jadanik 22 ziren eta astebukaeraren atarian 58. Gazteak dira gaitzaren berragerraldi honetan kutsatutako gehienak, positibo emandakoen artean %81a. Hala eta guztiz ere PCR proba kopurua ere biderkatu egin da, positibo bakoitzaren senitarteko, lagun eta kontaktuen artean. Aste hasieratik 3.361 proba egin ditu osasun departamentuak, 1.145 azken 24 orduotan.
Nafarroako Gobernuak etxabeak ixteko agindua eman du, bertan izaten diren kontrolik gabeko jende pilaketak ekiditeko. Gau giroko tabernen ordutegi eta irekitze neurrien gainean berrikusketa ere egiten ari direla iragarri du osasun departamentuak.
Azken 24 orduotan pertsona bat artatu behar izan dute ospitalean, 13 pertsona dira ingresatuta une honetan Nafarroan, horietako bat zainketa intentsiboetako unitatean.