Zehazki, maskara erabiltzea nahitaezkoa izango da kalean, publikoan eta aire zabaleko espazioetan; erabilera publikoko espazio itxietan edo jendearentzat irekita dauden eta espazio berean beste pertsona batzuekin izan daitezkeen espazioetan; eta garraio publiko pribatu mota guztietan, okupatzaileak etxebizitza berean bizi direnean izan ezik.
Salbuetsita dago musukoa erabiltzea elikagaiak eta edariak kontsumitzen ari diren unean eta/edo erabilerarekin bateraezinak izan daitezkeen jardueretan; kirol-jardueran dihardutenean, baldin eta pertsonen arteko segurtasun-distantzia bermatu badaiteke (maskara erabiliko da instalazio edo kirol-zentroetako espazio komunen artean zirkulatzen den denbora guztian) eta igerilekuetan edo bainatzeko gaitutako beste leku batzuetan pertsonak uretan ari diren bitartean.
Salbuetsita dago, halaber, titulartasun publikoko eta pribatuko lantokietan maskara erabiltzea, betiere langileen artean 1,5 metroko segurtasun-distantzia bermatu badaiteke.
Era berean, ez da derrigorrezkoa izango maskara erabiltzea eragin dezakeen arnas zailtasunen bat duten pertsonen kasuan eta mendekotasuna edo desgaitasuna izateagatik maskara kentzeko autonomiarik ez dutenen edo maskara erabiltzea bideragarria egiten duten jokabide-arazoak dituzten pertsonen kasuan. Ezinbesteko egoeretan ere ez da nahitaezkoa izango.
Musukoak derrigorrezkoak izanen dira Nafarroan ostiraletik aurrera
Santos Indurain Nafarroako Gobernuko Osasun kontseilariak foru agindua sinatu du, 12 urte eta gehiagoko pertsonentzat musukoa erabiltzea derrigorrezkoa dela adierazteko, nahiz eta 1,5 metroko segurtasun tartea bete. Foru agindua uztailaren 17ko 00: 00etan sartuko da indarrean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
