Zaballako espetxetik atera dira Altsasuko gazteetako hiru, gradu aldaketa jaso ondoren

Euskalerria Irratia 2020ko uzt. 3a, 11:10

Atzo jakinarazi zieten hirugarren gradua ezarri dietela Adur Ramirez de Alda, Jokin Unamuno eta Oihan Arnanz Altsasuko gazteei; ondorioz, etxera joan ahal izango dira lo egitera. 

Hirugarren graduan dira Adur Ramirez de Alda, Jokin Unamuno eta Oihan Arnanz, eta dagoeneko atera dira Zaballako presondegitik. Han zituzten zain senide eta lagunak. Gradu aldaketa jakinarazi zieten atzo.

Espetxean denbora gehien daramatenak dira: ia lau urte, 1.325 egun. Beste biri, Iñaki Abadi eta Aratz Urrizolari, abenduan eman zieten hirugarren gradua. Hortaz, bik jarraituko dute bigarren graduan: Jon Ander Cobek eta Julen Goikoetxeak. 

Gaur espetxetik atera direnek dute espetxe zigor handienak: Arnanzek bederatzi urte eta erdiko zigorra du, eta Ramirez de Aldak eta Unamunok zortzi urte eta erdikoa. Goikoetxeak eta Jon Ander Cobek, zazpi urte eta erdikoa dute; Abadek hiru urte eta erdikoa, eta Urrizolak lau urte eta bi hilabetekoa. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!