Gallegoren aburuz, "desklokalizazio argi eta garbi" baten aitzinean gaude; izan ere, zuzendaritzak berriki jakinarazi zien lantegiak lan karga zuela 2021era arte. Atzo arratsaldeko zortzietan Siemens Gamesak Agoizko lantegia itxiko dutela jakinarazi zion Espainiako Balore Merkatuen Kontseilu Nazionalari. 239 langile kale gorrira bidaliko ditu erabakiak.
Agoizko lantegiko beharginek apiriletik zuten susmo txarra. Orduan Gamesak lantegia erosi baitzuen Portugalen, Senvionen, itsasoaren portu handi baten ondoan. Hori da hain zuenen lantegia ixteko enpresak emandako arrazoietako bat. Agoitzen gertuen dagoen portua berrehun kilometrora dagoela aipatu dute.
Beste bi ere eman ditu: txiki geratu dela lantegia sorgailu handiak ekoizteko eta produkzio kostu handiak dituela. Agoitzen 132 metroko palak egiten dituzte eta enpresak argudiatu du 170 metrokoen alde egin nahi duela apustu.