Auzoan egin nahi dute lan eta hori aldarrikatzeko kalera atera dira haurren eskubideak defendatzen dituen lan komunitarioa egiten dituten Iruñeko elkarteak, sindikatuez lagunduta. Pandemia hasi zenetik, Iruñeko Udalak bi aldiz aldatu die kontratua Buztintxureando Txuri, Aldezar, Etxabakoitz Bizirik, Umetxea, Batean SiñarZubi, Yoar eta Bideberri elkarteei.
Matxoan egin zien lehen aldaketa, alarma egoerak sortu zuen egoerari erantzuteko. Uda iristearekin batera iritsi da bigarrena. Elkarteek urtero prestatzen dituzten udako jarduerak bertan behera utzi eta kontziliazio zerbitzua beraien esku har dezatela nahi du udalak. "Zortzi auzotan jarduerak izatetik lau auzotan izatera igaroko gara", azaldu du Euskalerria Irratian Aldezar elkarteko Mirari Elizondok.