LAB sindikatuko Zerbitzu Pribatuen Federazioko delegatuak batzarrean bildu dira gaur Iruñeko Burguen Plazan, Covid-19aren krisiak sektore horretan nola eragin duen aztertzeko. Krisiaren eraginez “kaltetuenak” izan direla salatu dute ondoren manifestazioan.
“Ez dira komunikabideetan agertu, ez da txalorik izan haiendako, baina pandemiaren aurpegi gogorrenetako bat pairatu behar izan dute”, adierazi du LAB sindikatuak. Zerbitzu pribatuen sektoreko langileek “oso egoera gogorrak” bizi izan dituztela salatu dute manfestazio baten bidez.
Pandemia iritsi aurretik lan prekarietatea jasaten zuen sektorea dela gogoratu du sindikatuak, eta krisiak egoera laztu duela: “Gauza bat argi gelditu da: guztiz prekarizatuta dauden sektoreak ixteak, ABEEEen formularen bidez, bermatzen duena ez da enplegua, pobrezia betikotzea baizik”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
