Nafarroako Gobernuak eta Eusko Jaurlaritzak adostu dute urtebetez luzatzea EiTBren zerbitzuak Nafarroan emititzeko 2016tik duten hitzarmena, bai LTD eta kable bidezko telebistakoa, bai FM edo DAB irratikoa.
Foru Gobernuak oniritzia eman zuen bere garaian, eta gaur Eusko Jaurlaritzak baimena eman du bere gobernu kontseiluan. Javier Remirez Nafarroako Gobernuko lehen presidenteorde eta Presidentetza, Berdintasun, Funtzio Publiko eta Barne kontseilariak eta Bingen Zupiria Eusko Jaurlaritzako Kultura eta Hizkuntza Politikako kontseilariak sinatuko dute dokumentua.
