EiTBren zerbitzuak Nafarroan hedatzeko EAE eta Nafarroaren arteko lankidetza-hitzarmena luzatzeko baimena ematea jorratuko du Eusko Jaurlaritzak gaurko gobernu kontseiluan. Bi gobernuek 2016ko uztailean sinatu zuten hitzarmena, eta azken lau urteetan indarrean egon da. Akordio hori urtebetez luzatu nahi dute, eta aurreikusi dutenez, 2024ra arte isilbidez luzatu ahal izanen da. Luzapenak ez du aldaketarik ekarriko.
Erabaki-proposamena onartu eta izapide administratiboa egin ostean, Eusko Jaurlaritzak eta Nafarroako Gobernuk sinatuko dute testua.
