Mozioan, hiru taldeek Euskararen Foru Legearen 25. artikulua betetzea eskatzen dute, eremu mistoko irakaskuntzari dagokionez; artikulu horrek aurreikusten duenez, "euskara irakaskuntzan pixkanaka, progresiboki eta nahikotasunez sartuko da, ikastetxeetan euskarazko irakaskuntza ematen den lerroak sortuz, hala eskatzen dutenentzat".
Uxue Barkos Geroa Baiko bozeramailearen esanetan, "arauak babestu egiten du" linea hori irekitzea eta hori aurrera eramateko "bitartekoak existitzen dira"; hori dela eta, martxan jartzeko eskatu dio exekutiboari. Ildo beretik, Bakartxo Ruiz EH Bilduko bozeramaileak adierazi du legeak aurreikusten duela "eremu mistoan d ereduko lineak irekiko direla hala eskatzen dutenentzat", eta "ulertezintzat" jo du "hezkuntza Sailaren hastapena".
Bestalde, Ramon Alzorriz PSNko bozeramaileak adierazi duenez, "eskola mapa ez zuen Gobernu honek egin, aurrekoak egin zuen, eta kontseilariak egin duen gauza bakarra eskola mapa horrek markatzen duena jarraitzea da, eta datorren ikasturterako aldatzeko aukera aztertzea, dagoen eskaerari erantzunez".
